Miratimi i reklamave me mjetet e informimit masiv per banat OTC

Miratimi i reklamave me mjetet e informimit masiv per barnat OTC, kryhet ne perputhje me legjislacionin farmaceutik ne fuqi si dhe duke u mbeshtetur ne Direktivat e fundit te BE (Direktivat 2001/83/EC dhe 2004/27/EC).

LIGJ

Nr.9323, datë 25.11.2004

PËR BARNAT DHE SHËRBIMIN FARMACEUTIK

KREU X

REKLAMA E BARNAVE

Neni 52

Reklama dhe promocioni i barnave

1. Lejohet reklama me mjetet e informimit masiv vetëm për barnat OTC, ndërsa për barnat e tjera bëhet promocion vetëm në literaturë ose në veprimtari shkencore profesionale.

2. Rregullat për reklamën dhe promocionin miratohen nga Ministri i Shëndetësisë.

Neni 53

Kufizimet e reklamës

1. Ndalohet reklama e barnave për efekte mjekuese, të cilat nuk janë shpallur në kohën e regjistrimit, si dhe fshehja e kundërindikimeve dhe e efekteve anësore të njohura.

2. Ndalohet reklama e lëndëve, që nuk përcaktohen si barna, sipas këtij ligji.